РМКМҮ директоры: «2017 елда соңгы 9 ел эчендә китапханә фондының яңартылу саны беренче тапкыр үсте»
Республика медицина китапханә-мәгүлүматый үзәгендә 2017нче ел эчендә эш йомгакларын ясадылар. Учреждение директоры Юлия Дрешер төп доклад белән чыгыш ясады.
Иң әһәмиятле нәтиҗәләр турында сөйләгәндә, җитәкче билгеләгәнчә, 2017 елда төп юнәлеш булып Республика медицина китапханә-мәгълүмати үзәгенең сыйфат менеджменты системасын (СМС) камилләштерү торды, аерым алганда, ГОСТ Р ИСО 9001-2015 яңа версиясен гамәлгә кертү һәм яңа таләпләргә ярашканлыкка китапханә процессларының регламентлаштыручы документларын актуальләштерү.
Юлия Дрешер сөйләгәнчә, 2017 елда соңгы 9 ел эчендә беренче тапкыр китапханә фондының яңартылу саны үсте, китапханә, мәгълүмати, библиографик, редакция-нәшрият хезмәтләрен күрсәтүгә һәм мәгълүмати-библиографик продукцияне җитештерүгә вакытның типлаштырылган нормалары эшләнгән. Яңартылган фонд нәтиҗәләр бирде – мөрәҗәгатьләр саны 331 меңнән артты.
Юлия Дрешер хәбәр иткәнчә, 2018 елда төп бурыч булып китапханә хезмәтен күрсәтү системасын камилләштерү һәм халыкара, россия, региональ элемтәләрне һәм хезмәттәшлекне ныгыту кала.