Татарстанда тактик-махсус укулар үтте

13 март 2012 ел., сишәмбе
2012 нче елның 13-14 нче мартында Казанда Россия Федерациясе сәламәтлек саклау һәм иҗтимагый
үстерү министрлыгы җитәкчелеге һәм һәлакәтләр медицина хезмәтенең Бөтенроссия үзәге астында
масштаблы укулар булды.
Укулар Россия Федерациясе сәламәтлек саклау һәм иҗтимагый үстерү министрлыгының 2013 нче
елдагы XXVII Дөньякүләм җәйге универсиаданы медицина һәм санитар-эпидемиологик тәэмин итү
концепция чараларын тормышка ашыру турында булган планы белән яраклаштырып «Кремль» метро
станциясендә үткәрелде. Тактик-махсус укулар «Террорлы акт нәтиҗәсендә барлыкка килгән
гадәттән тыш ситуацияләрнең медик-санитар нәтиҗәләрен бетерүне оештыру» темасына үткәрелде.
Укулар барышында медицина авиацияләрен, ведомствоара бәйләнешләрне оештыру сорауларын
эшкәрттеләр, гадәттән тыш ситуацияләрнең нәтиҗәләрен бетерүдә
катнашучы авария-коткару хезмәте һәм эчке эшләр әгъзалары хезмәткәрләре һәм шулай ук Татарстан Республикасы
оешмалары вәкилләренең белемнәр тикшерү һәм беренче
ярдәм күрсәтүнең гамәли күнегүләр эшләвен үткәрделәр. 
Укуларда Татарстан Республикасы сәламәтлек саклаулар
министрлыгы, һәлакәтләр медицина хезмәтенең Бөтенроссия
штабы, Россия Федерациясе сәламәтлек саклау һәм иҗтимагый
үстерү министрлыгы, МВД, МЧС, тикшерү идарәсе, һәм Сочи
шәһәреннән, Краснодар өлкәсеннән һәм Пермь ягыннан
күзәтүчеләр катнашты.
Террорлы актлар шартларында зарар күрүче кешеләргә медицина
ярдәмен күрсәтүне оештыру зарарлаучы факторның профилен,
террорлы актка дучар булган объектның үзенчәлекләрен һәм
медицина оешмаларының ераклыгын искә алып башкарылды.
Укулар вакытында, ниятләнгән террорлы акт нәтиҗәсендә шартлау
булды, анда башкаланың яшәүчеләре һәм кунаклары зарар
күрделәр. Зарар күрүче кешеләр максималь тиз вакытта профильле
медицина оешмаларына җиткерелде. РКБ, ДРКБ, 7 нче номерлы
ГКБ һәм Казан сугыш госпитале сәламәтлек саклау оешмаларында
оператив тизлектә ятаклар куелды. 55 бригада микъдарында Республика һәлакәтләр медицинасы үзәге көчләре һәм чаралары эшкә җигелде. Чиктән тыш
авыр зарар күрүчеләрне МЧС (МИ-8) вертолеты белән РКБга тапшырдылар. Җиңел дәрәҗәдә зарар
күрүче кешеләргә психология-психиатрия ярдәме күрсәтелде.
Укуның җитәкчеләре тарафыннан алданрак нәтиҗәләр ясау буенча катнашучылар белән җыелыш
үткәрелде. Үткәрелгән укулар медицина персоналының экстремаль шартларда эшләү әзерлегенең
биек дәрәҗәдә икәнлеген дәлилләделәр. Барлык сынауда катнашучылар, көйле гамәлләр, оперативлык
һәм грамоталылыкны күрсәтеп, куелган бурычларны югары профессиональ дәрәҗәдә үтәделәр.
Уку сораулары тулысынча эшләнде, укуның максатлары һәм бурычлары үтәлде.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования