Кама Тамагы районында донор акциясе узды

11 июль 2019 ел., пәнҗешәмбе

11 июльдә Кама Тамагы районында донор акциясе узды. Акция Кан үзәгенең күчмә бригадасы ярдәмендә уздырылды, күчмә комплекс иртәдән башлап Кама Тамагы ҮРХнең үзәк ишеге янында урнашты. Көн саен республиканың сәламәтлек саклау учреждениеләрендә дистәләгән операция үткәрелә, алар кан компонентларыннан башка узмый.

Донорлык – игелекле эш һәм ул кирәк. Канны якын кешеләр өчен генә түгел, бөтенләй таныш булмаган кешеләр өчен дә түләүсез тапшыру теләге – кеше гомерен коткаручы батырлык!

Ярдәмгә мохтаҗ кешеләрнең язмышына битараф булмаган Кама Тамагы районында яшәүчеләр бу көнне донорлар булдылар.

Барлыгы 87гә якын кеше теләк белдерде, әмма медицина күрсәткечләре буенча 59 донор кертелде, алар аркасында кан банкы 25 литр 500 мл. канга тулыланды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования