БРКХдә Бөтендөнья диабет белән көрәшү көнен билгеләделәр

2019 елның 15 ноябре, җомга

Бөтендөнья диабет белән көрәшү көне хөрмәтенә БРКХнең эндокринология бүлегендә «Татарстан Республикасының Диабетик инвалидлар җәмгыяте» иҗтимагый оешмасының рәисе Илшат Гарипов катнашуында зур бәйрәм булды.

БРКХ өчен мондый бәйрәм – ул ел саен үткәрелә торган күркәм традиция. Бу көнне бүлекнең кечкенә пациентлары өчен аниматорлар, конкурслар һәм бүләкләр белән бәйрәм программасы оештырыла. Бәйрәм өстәленнән башка да булмый, әммә өстәл тулысынча диабетик «тәм-томнардан» гына тора.