Әлмәт медицина профилактикасы үзәге ирләр сәламәтлеген саклау турында искә төшерде

Әлмәт медицина профилактикасы үзәгенең атналык «Сәламәтлек десанты» Абдрахман авылының урта мәктәбенә килеп китте. Югары сыйныф укучылары һәм укытучылар өчен грипп һәм ОРВИ профилактикасы, тәмәке тартуның зыяны һәм дөрес тукланмауның нәтиҗәләре турында дәрес үткәрелде. Очрашу ирләр сәламәтлеген саклау турында әңгәмә белән тәмамланды. Моннан тыш, медицина учреждениесе белгечләре кандагы холестеринга һәм шикәргә экспресс-тест үткәрделәр.