Әлмәттә «Ягез әле, доктор» иҗади конкурсы узды

2018 елның 13 июне, чәршәмбе

Әлмәттә Медицина хезмәткәрләре көне алдыннан «Ягез әле, доктор» иҗади конкурсы узды. Анда сигез яшь белгеч катнашты, алар бер ел элек перинаталь үзәк белән  Әлмәт балалар шәһәр хастаханәсенең педиатрлар һәм тар белгечләр сафын тулыландырдылар. Баш табиб Лидия Исмәгыйлева чакыруы буенча Казанның, Оренбургның һәм Ижевскның медицина югары уку йортларын тәмамлаганнан соң биш табиб-участок педиатры, балалар хирургы, невролог һәм отоларинголог Әлмәткә күченделәр. «Ягез әле, доктор» конкурсы кысаларында  катнашучылар «Визитка» хәзерләделәр, табиб һөнәре белән бәйле сорауларга җавап бирделәр, шулай ук талантлар конкурсында катнаштылар.