Яр Чаллыда Кама балалар медицина үзәге халыкара җитлекми туган балалар көнен билгеләп үтте

2018 елның 16 ноябре, җомга

Алтынчы ел рәттән Кама балалар медицина үзәге табиблары үзләренең элеккеге пациентларын очрашуга чакыралар. Моның сәбәбе – даруларны яки дәвалау процедураларын билгеләү түгел, ә халыкара җитлекми туган балалар көне буларак 17 ноябрьдә билгеләп үтелә торган бәйрәм. Бөтен дөньяда аны «ак таҗ яфракчыклары көне» дип атыйлар, андый балаларның аеруча зәгыйфьлеген һәм якланмаган булуын ассызыклап.