Сәламәтлек саклау өлкәсендә күрсәткән хезмәтләре өчен Б.П. Белоус Рәхмәт хаты белән бүләкләнде
Бүген тантаналы рәвештә Татарстан Республикасы Сәламәтлек саклау министры ТР Сәламәтлек саклау министрлыгының Метрологик һәм техника тикшерү, хезмәт саклау идарә итүнең метрологик тикшерү бүлеге башлыгы Борис Прокофьевич Белоусны туган көне белән котлады һәм сәламәтлек саклау өлкәсендә күрсәткән хезмәтләре өчен Рәхмәт хаты белән бүләкләде. Министр Борис Прокофьевич биргән шул әйтеп бетергесез кертеме өчен рәхмәт әйтте, сәламәтлек һәм алга таба уңышлар теләде.
Исегезгә төшерәбез, Борис Белоус Сәламәтлек саклау министрлыгының күптәнге эшчеләренең берсе булып тора. Гомуми эш стажы 51 ел, алардан тармакта 35 ел.
Исегезгә төшерәбез, Белоус Борис Прокофьевич Казан авиация институтын тәмамлау белән 1960 елда үз эшчәнлеген Казан мотор төзү заводында башлады. Алга таба Белоус Б.П. 12 ел «Татэнерго» Район энергетика идарә итү системасында инженер, лаборатория башлыгы булып эшләде. Квалификацияле белгеч буларак 2 елга чит ил командировкасына Мисырга (Египет) Нил елгасында булган Зур биеклектәге Асуан платинасында гидроэлектростанция төзү өчен җибәрелде. Татар энергия системасында уңай эшләү нәтиҗәләре буенча «СССР энергетикасының һәм электрлаштыруның үрнәк эшчесе» значогы белән бүләкләнде. 1976 елдан бирле Белоус Б.П. Татарстан Республикасы Сәламәтлек саклау министрлыгы системасында «Медтехника» Татар идарә итүе башлыгы булып эшли. Белоус Б.П. тарафыннан материаль техника нигезләрен ныгыту буенча күп эш башкарылды. Казан шәһәрендә 1978 нче елда Россия Федерациясендә медицина техникасын төзәтү буенча дүртенче махсуслаштырылган завод, 1980 нче елда зур габаритлы медицина җайланмаларын саклау өчен склад, 1986 елда махсуслаштырылган «Медтехника» кибете төзелде. Республика клиника больницасының, Балалар республика клиника больницасының һәм башкаларның кертелүче корпуслары медицина техникасы һәм җайланмалары белән тулысынча җиһазландырылды. 1990 нчы елдан бирле Белоус Б.П. Татарстан Республикасы Сәламәтлек саклау министрлыгында баш метролог, Инженер-техник хезмәт идарәсе башлыгы, метрологик тикшерү бүлеге башлыгы булып эшли. Татарстан Республикасы Сәламәтлек саклау министрлыгы метрологик хезмәтенең методик җитәкчелеге астында медицина һәм техник билгеләнүле үлчәү чараларын метрологик тәэмин итүнең дәрәҗәсен һәм сыйфатын күтәрү буенча шактый зур эш башкарылды. Метрологик тәэмин итү соравында медицина персоналының белем дәрәҗәсен күтәрү максаты белән Б.П. Белоус тарафыннан «Сәламәтлек саклау оешмаларда метрология» методик әсбабы эшләнелде. Финанс чараларын саклау һәм медицина техникасын эффектив куллану максаты белән «Медицина техникасы һәм җайланмалары сатып алу вакытында метрологик экспертиза буенча положение» эшләнелде һәм эшкә кертелде. Бөтен оешмалар буйлап энергия саклау программалары һәм тармак программасы эшләнелде. Энергияне саклаучы программалар эшләп чыгару вакытында файдаланылучы «Медицина оешмаларында һәм Татарстан Республикасы оешмаларында ресурс саклау белән идарә итү системасы» Тармак стандарты эшләнелде.
Татарстан Республикасы Сәламәтлек саклау министрлыгы коллективы Борис Прокофьевичны туган көне белән котлый, һәм алга таба да шундый ук казанышлар тели!