Йөрәк-кан тамырлары авыруларын профилактикалау турында ТР буенча РФ ҖҮФХБИнең уку үзәгендә сөйләделәр

2019 елның 12 ноябре, сишәмбе

Республика медицина профилактикасы үзәгенең табиблары ТР буенча РФ Җәза үтәү федераль хезмәте баш идарәсенең (ҖҮФХБИ) уку үзәге тыңлаучылары өчен йөрәк-кан тамырлары авыруларын профилактикалау буенча лекторий уздырдылар.

Йөрәк-кан тамырлары системасы авырулары бөтен дөньяда, шул санда Россиядә дә, халыкның үлем-китем һәм инвалидизацияләнүенең төп сәбәбе булып тора. Йөрәк авыруларының төп риск факторлары – дөрес тукланмау, физик активлык булмау, кан басымы югары, тәмәке һәм алкоголь куллану.