Казанда ОРВИ һәм грипп авырулары санының эпидемиологик күтәрелешенә әзерлек турында сөйләделәр

2020 елның 14 гыйнвары, сишәмбе

Бүген ТР Министрлар Кабинетында узган брифингта ТР сәламәтлек саклау министры урынбасары Илдар Фатыйхов һәм Роспотребнадзорның ТР буенча Идарәсе җитәкчесе — Татарстанның баш санитар табибы Марина Патяшина 2019-2020 еллар сезонында ОРВИ һәм грипп авырулары санының эпидемиологик күтәрелешенә әзерлек турында сөйләделәр.

Грипп – ул грипп вирусы китереп чыгара торган һәм интоксикация симптомнары (температура, баш авырту), геморрагик симптомнар белән характерлана торган кискен йогышлы авыру. Авыру ОРВИ төренә карый, алар 200дән артык типта булалар.