Түбән Кама укучыларына стресс белән ничек көрәшергә кирәклеге турында сөйләделәр
Түбән Кама медицина профилактикасы үзәге Шәңгәлче мәктәбендә сәламәт яшәү рәвеше дәресләрен үткәрде. Психолог Зәлфирә Гыйльфанова дөрес туклану, җенес тәрбиясе, стрессны профилактикалау турында сөйләде һәм тәмәке тартуның зыяны турында искә төшерде. «Кызганычка каршы, яшүсмерләр арасында наркотик матдәләр, алкоголь һәм тәмәке белән кызыксынуның яңа дулкыны билгеләнә, - дип билгеләп үтте МПҮ баш табибы Равил Гарипов. – Яңа буын наркотик матдәләрнең тәэсирен үзендә сынап карарга тели. Безнең бурыч – ата-аналарга, укытучыларга һәм балаларга наркотикларның һәм алкогольнең сәламәтлеккә абсолют зыян салуы, яшь организмның котылгысыз бәйлелеге һәм ашыгыч үлүе турында мәгълүмат җиткерү. Яшүсмерләрне үз гамәлләре өчен сәламәт һәм җаваплы булырга өйрәтергә кирәк».