2019 елда Казан шәһәренең Сугышлар ветераннары өчен госпиталь 8 күчмә табиб тикшерүе уздырды
Казан шәһәренең Сугышлар ветераннары госпиталендә йомгаклау медицина советы узды. Утырыш эшендә ТР сәламәтлек саклау министры урынбасары И.Р. Фатыйхов һәм ТР Медицина хезмәткәрләре ассоциациясе президенты И.Б. Питулова катнаштылар. Баш табиб И.А. Фәхретдинов төп доклад белән чыгыш ясады.
Госпитальдә 591 кеше эшли, шуларның 144е – табиблар, 269 кеше – урта медицина персоналы, 148 кеше – башка персонал. 2019 елда кадрлар агымы коэффициенты 2018 ел белән чагыштырганда кимегән һәм 12,6 % тәшкил иткән.
Территориаль сырхауханә Казан шәһәре Мәскәү районының беркетелгән халкына хезмәт күрсәтә, анда 21 708 кеше яши. 2019 елда кирәкле дару чаралары белән тәэмин итү өлешендә социаль хезмәтләр җыелмасыннан баш тарткан гражданнар саны кимегән. Территориаль сырхауханәдә дәүләт гарантияләре программасы тулы күләмдә үтәлгән. Табибларга интернет аша кабул итүгә язылуның саны 2018 ел белән чагыштырганда 28%ка артуы күзәтелә.