Түбән Кама ТВДда йомгаклау медсоветы булды

2020 елның 6 марты, җомга

Түбән Кама дерматовенерологлары узган елгы эшкә йомгак ясадылар. Хәзер ТВДда 27 табиб эшли, шул исәптән бер яшь белгеч. Хәзерге Түбән Кама дерматовенерология хезмәте түбәндәгечә күренә: бер көн эчендә 250 кеше йөри торган сырхауханә, тәүлек буе һәм көндезге стационар, медицина тикшерүләре бүлеге һәм лаборатория. Шулай ук ТВДда микология һәм трихология кабинетлары эшли. Миколог гөмбәчек йогышын дәвалый, ә трихологка баш тиресе авырулары һәм чәч коелу белән мөрәҗәгать итәләр.

Узган ел ТВДна 56 мең кеше мөрәҗәгать иткән. 8943 Түбән Камада яшәүченең тире авыруы ачыкланган, аларга дәвалау билгеләнгән.