Түбән Камада стоматолог-хирургны Виталий Липатовны лаеклы ялга озаттылар
Бүген лаеклы ялга Түбән Кама күппрофильле үзәк район хастаханәсенең стоматология сырхауханәсенең стоматолог-хирургы Виталий Липатовны озаттылар.
Виталий Васильевич яраткан һөнәренә 37 ел гомерен багышлаган. Самара медицина институтын һәм интернатурасын тәмамлаганнан соң, ул бер ел Шәңгәлче авылында Сәламәтлек саклау пункты мөдире булып, аннары ике ел терапиядә эшләгән. Аннан соң стоматология сырхауханәсенең хирургия бүлегенә күчкән.
"Виталий Васильевич - искиткеч табиб, ул һәрвакыт пациентлар белән уртак тел таба. Аңа карата шикаятьләр булуын хәтерләмим. Хезмәт сөючән. Рәхмәт сезгә, Виталий Васильевич”, - диде стоматолог-хирург Валентина Шишонина.
Без Виталий Васильевичка әйтелгән барлык җылы сүзләргә кушылабыз. Һөнәрегезгә тугры булуыгыз өчен рәхмәт сезгә!