Түбән Кама районы үзәк хастаханәнең йогышлы авырулар корпусында капиталь ремонт эшләре башкарыла
ТКҮРКПХнең йогышлы авырулар корпусында капиталь ремонт эшләренә керештеләр, капремонтка 37,2 млн.сум бүлеп бирелә, бу хакта Instagram үз аккаунтында Түбән Кама муниципаль районының Сәламәтлек саклау идарәсе җитәкчесе Венера Рәхимова хәбәр итте.
Бина 1967 елда төзелгән. Хәзерге вакытта гомуми мәйданы 963,4 кв. м булган корпуста демонтаж эшләре бара, биш төрле керү юлларына фундамент салына, ягъни төрле йогышлы авырулар белән пациентлар палаталарга-боксларга аерым керү юллары аша эләгәчәк. Реанимация пациентлары өчен интенсив терапия палатасы да каралган.
Ремонт вакытында 1-нче номерлы йогышлы авырулар бүлеге вакытлыча Менделеев ур., 46 йорт адресындагы бинага күчте, ә 2-нче номерлы йогышлы авырулар бүлеге Ахтубинская ур., 11а адресы буенча госпитальнең алтынчы катында урнашкан һәм ул госпиталь составында провизия бүлеге булып тора. Капиталь ремонт 2020 елның октябрендә тәмамланыр дип планлаштырыла.