Түбән Каманың беренче табиб-дерматовенерологы 90 яшьлек юбилеен билгеләп үтә
Бүген Түбән Кама дерматовенерология хезмәтенең оештыручысы Лия Габделхак кызы Курмаева 90 яшьлек юбилеен билгеләп үтә. Мактаулы докторны котларга башкарма комитет җитәкчесе урынбасары Илнар Батретдинов, сәламәтлек саклау идарәсе җитәкчесе Венера Рәхимова һәм сәламәтлек саклау хезмәткәрләре профсоюзының район оешмасы җитәкчесе Гөлназ Клименко килде. Сәламәтлек саклау ветераны, үз чиратында, котлау сүзләре һәм җылы сүзләр өчен рәхмәт әйтеп: "Онытмавыгыз өчен рәхмәт, Ходай һәрберегезгә сәламәтлек биреп, минем яшемә җитәргә язсын", - диде.
Лилия Габделхак кызы 1930 елда Саратов өлкәсендә туа. 1949 елда Саратов фельдшер-акушерлык мәктәбен, 1959 елда Казан медицина институтын тәмамлый. Берничә ел ул Саратов өлкәсендә медицина пункты мөдире, аннары Казанда шәфкать туташы булып эшли. 1959 елдан 1965 елга кадәр Лия Габделхак кызы Ферган өлкәсенең (Үзбәкстан) Маргиланда тире-венеролигия диспансерда табиб-ординатор булып эшли.
Ә 1965 елда Лия Габделхак кызы Түбән Кама бистәсендә тире-венерология Кабинетының табибы, бер үк вакытта төзелеп килүче шәһәрнең бөтен дерматовенерология хезмәтен оештыручы була. Ә 1966 елда 4нче мәктәп бинасында йогышлы тире авырулары өчен вакытлыча стационар ачыла. Шул ук елда РҮХдә дерматовенерология хезмәтенең ике кабинеты ачыла, шулай ук штат арта. 40 койкага исәпләнгән стационар 1969 елда 1нче Шәһәр хастаханәсе каршындагы Төзүчеләр бистәсендә ачыла һәм Лия Габделхак кызы бүлек мөдире була.
Табиб дерматовенерология хезмәтендә 1998 елга кадәр эшли һәм бүгенге көнгә кадәр хезмәттәшләре һәм пациентлар арасында абруй казана.