Коронавирусны кичергән 92 яшьлек хезмәт ветераны Илдус Мостюков өенә чыгарылган

2020 елның 30 июле, пәнҗешәмбе

Хезмәт ветераны Илдус Мостюков 92 яшендә коронавирус белән авырган. Республика клиник хастаханәсе госпиталендә дәваланып, ул күптән түгел өенә чыгарылды.

«Берничә көн температурам 39 градустан төшмәде. Аннары хастаханәгә эләктем», — дип сөйләде Илдус Мостюков.

«Бөтен көчем белән чиргә каршы торырга тырыштым», — диде Илдус Мостюков «Татар-информ» хәбәрчесенә.

Илдус Мостюков Йогышлы авырулар госпиталендә эшләүче барлык табиблар бик квалификацияле булуын билгеләп узды. «Аларның дөрес дәвалау билгеләве нәтиҗәсендә исән калдым, савыгып чыктым», — дип билгеләп үтте ул.

«Татар-информ» МА материаллары буенча