Чистай РҮХдә булачак беренче сыйныф укучыларына иҗат өчен җыелмалар тапшырдылар

2020 елның 24 августы, дүшәмбе

Быел Чистай РҮХнең 50 хезмәткәренең балалары беренче сыйныфка барачак. Традиция буенча, уку елы башланыр алдыннан Чистай РҮХ җитәкчелеге һәм сәламәтлек саклау профсоюз комитеты беренче сыйныф укучыларының ата-аналарын бу мөһим вакыйга белән котлады һәм тантаналы рәвештә аларга иҗат өчен җыелмалар тапшырды.

Чистай районы Башкарма комитетының мәгариф идарәсе мәгълүматларына караганда, 2020-2021 уку елында Чистай муниципаль районында 900 дән артык бала беренче сыйныфка барачак, алар арасында 50се — Чистай РҮХ медицина хезмәткәрләренең балалары.