Чистай районы үзәк хастаханәсенең булачак әниләр өчен курслар Татарстанда иң яхшысы дип танылды

2020 елның 26 августы, чәршәмбе

Чистай РҮХнең бала табу йортының «Җиңел бала табу» курслары «Татарстан Республикасының иң яхшы товарлары һәм хезмәт күрсәтүләре» бәйгесенең лауреаты дип танылды.

«Россиянең иң яхшы 100 товары» программасы кысаларында үткәрелә торган «Татарстан Республикасының иң яхшы товарлары һәм хезмәт күрсәтүләре» бәйгесенең оештыру комитеты карары буенча «Чистай РҮХ» ДАССУның бала тудыру йорты базасында «җиңел бала табулар» йөкле хатын-кызларны бала табуга әзерләү курсларына 2020 ел лауреаты исеме бирелде.