Түбән Каманың «Олимп» сәүдә үзәгендә гадәти булмаган акция узды

2020 елның 30 сентябре, чәршәмбе

Йөрәк көнендә Түбән Кама медпрофилактика белгечләре һәм  волонтерлар  «Олимп» сәүдә үзәгендә гадәти булмаган акция уздырдылар.

Бирегә килүчеләр сәламәт яшәү рәвеше темасына төрле уеннарда катнаштылар. Аларның кан басымын да үлчәделәр:  74 кешенең 38ендә кан басымы югары булып чыкты, алар барысы да тиешле рекомендацияләр алдылар.

"Йөрәк-кан тамырлары системасы авырулары, элеккечә үк, безнең республика халкы үлемендә беренче урынны алып тора. Безнең максат - шәһәр халкының игътибарын үз сәламәтлегенә җәлеп итү. Гипертониянең беренче билгеләре яки  йөрәк тибеше  бозылганда кичекмәстән табибка мөрәҗәгать итәргә кирәк",- ди оештыручылар.

Бу хакта тулырак: https://tat.e-nkama.ru