Казанлыны ковидка каршы плазма ярдәме белән дәвалаганнар
Хатын-кыз 27 ноябрьдә авырып китте. Барысы да температура күтәрелүдән башланды. Ике көн эчендә ул 37,2 градуслы билгедә торды. Поликлиникага мөрәҗәгать итте, анда дәвалану билгеләделәр. Тик хәл яхшырмады.
⠀
"Өченче көнгә температура 38,4 градуска кадәр күтәрелде, мин сулый алмый башладым. "Ашыгыч ярдәм" не көтеп тормадык, үз машинада РКХнә килдек, анда мине карадылар һәм палатада урнаштырдылар, ә икенче иртәгә 18нче Шәһәр хастаханәсенә күчерделәр",-дип уртаклашты пациент.
⠀
Медицина хезмәткәрләре шунда ук дәвалауга керештеләр. Күрелгән чараларга карамастан, хатын-кыз начаррак була бара. Гемоглобин төшә. Берничә көн эчендә үпкәләрнең җиңелү дәрәҗәсе 15 тән 65% ка кадәр җиткән.
⠀
"Табиблар мине ташламадылар, мине даими контрольдә тоттылар. Ике көн палатада уздырдым, аннары реанимациягә күчерделәр", — дип искә ала ханым.
⠀
Пациентның хәлен тотрыкландырып, аны яңадан палатага күчерделәр.
Дәвалау өчен ковидка каршы плазма кулланылды.
⠀
"Хәзер мин үземне күпкә яхшырак хис итәм, йөрим. Сулышы нормальләште. Мин табибларга рәхмәт белдерәм. Йогышлы авырулар госпитале мөдире Зөлфия Марс кызына аерым рәхмәт сүзләре әйтәм. Ул бик яхшы табиб, үз эшенең остасы һәм гүзәл хатын — кыз", - дип өстәде пациентка.
⠀
Бүген пациентны хастаханәдән чыгарганнар.