Кыш бабай һәм Кар кызы Түбән Кама шәһәре Балалар шәһәр хастаханәсенең кечкенә пациентларын котладылар

2020 елның 29 декабре, сишәмбе

Түбән Кама шәһәренең Балалар шәһәр хастаханәсендә күркәм традиция бар. Ел саен Яңа ел бәйрәмнәре алдыннан хастаханә хезмәткәрләре хастаханә бүлекләрендә стационар дәвалауда булган кечкенә пациентларны яңа ел белән котлыйлар.

Яраткан әкият геройларының барлыкка килүе сабыйларның кәефен күтәрде. Алар Кыш бабайга һәм Кар кызына бик теләп шигырьләр сөйләделәр, җырлар җырладылар. Ә алмашка татлы бүләкләр алдылар. Тәм-томнар тыелганнар өчен кызыклы уеннар һәм сувенирлар әзерләнде.

Кечкенә пациентларны яңа ел белән котлыйбыз һәм аларга тизрәк терелүләрен телибез!