Түбән Кама балалар шәһәр хастаханәсенә нефть химиячеләре 600 чумага каршы костюм тапшырды

2020 елның 29 декабре, сишәмбе

Чираттагы файдалы бүләкләр партиясе белән «Түбән Кама Нефтехим» компаниясе вәкилләре балалар шәһәр хастаханәсенә килделәр. Бу юлы алар Перинаталь үзәкле Балалар шәһәр хастаханәсенең баш табибы Рамил Хәмидуллинга 600 чумага каршы костюмга сертификат тапшырдылар. Әлеге медицина эшләнмәләре өчен тукыманы «Полиматиз»АҖ нефть химиячеләренең бүлендек предприятиесендә җитештерәләр. Ә Кукмара тегү фабрикасында костюмнар тегәләр.