Лениногорск үзәк район хастаханәсендә балалар сырхауханәсе ачыла
16 февральдә ТР сәламәтлек саклау министры урынбасары Владислав Виниченко шәһәрнең башкарма комитеты җитәкчесенең социаль мәсьәләләр буенча урынбасары Владимир Друк һәм Лениногорск РҮХнең баш табибы Рим Амеров белән бергә хастаханә объектлары һәм структур бүлекчәләре эше белән танышты.
Делегация яңа балалар сырхауханәсен карады. Бу сырхауханә ачылышы киләсе атнада ук планлаштырыла. Шәһәр һәм район халкы өчен бу озак көтелгән бүләк булачак. 2021 елда бөтен көч Балалар поликлиникасының кадрлар мәсьәләсен хәл итүгә юнәлдереләчәк.
Аннары кунаклар стоматология сырхауханәсендә булды. Хирургия бүлеге, терапия, ортопед кабинетын карадылар. Баш табиб Рим Амеров һәм стоматология поликлиникасы мөдире Айрат Исәнгилдин түбәне капиталь ремонтлау һәм җиһазлар сатып алу проблемалы мәсьәләләр турында әйтте.
Очрашу Лениногорск РҮХнең административ корпусында тәмамланды, анда ТР сәламәтлек саклау министры урынбасары Владислав Виниченко COVID-19га каршы вакцинация буенча федераль регистрларның эше, коронавирус йогышы белән авыручыларны амбулатор һәм стационар дәвалау турында сөйләде.