Яр Чаллы онкология диспансеры табиблары өчен мастер-класс булды

2021 елның 31 августы, сишәмбе

Яр Чаллы онкология диспансеры җирлегендә абдоминаль онкология өлкәсендә Казан РКОД әйдәүче белгече, 9нчы онкология бүлеге мөдире Әмир Вәлиев мастер-класс үткәрде.

Аның җитәкчелегендә «3D визуализация» техникасы белән өр-яңа җиһазлар, шулай ук югары технологияле PIPAC терапия ярдәмендә 15 онкология бүлеге мөдире Линар Нигъмәтуллин һәм Яр Чаллы филиалы бүлеге табиблары белән бергә юан эчәк һәм ашказаны яман шешләре вакытында аз инвазив оператив тыкшыну операциясе уңышлы үткәрелде.