ЯҢАЛЫКЛАР
Татарстанда мәсьәләләр, шикаятьләр һәм гражданнарның тәкъдимнәре буенча «Халык тикшерүе», ТР сәләмәтлек саклау Министрлыгының бердәм тәүлек буе эшли торган «кызу линия» телефоны, шулай ук интернет-кабул итү бүлмәсе сәләмәтлек саклау Министрлыкның сайтында «Гражданнар мөрәҗәгатьләре» бүлегендә эшлиләр.
Иннополис шәһ. Медицина үзәгенә ТР сәламәтлек саклау министры Адел Вафин һәм медицинадагы яшь галимнәрнең «RE:Search» дигән Халыкара конгрессының экспертлары килеп киттеләр. Кунакларны Республика клиник хастаханәсенең баш табибы Рөстәм Гайфуллин озатып барды. Конгресс эксперларын Медицина үзәге эшенең төп юнәлешләре белән таныштырдылар, пациентларга медицина ярдәмен күрсәтү алгоритмын күрсәттеләр. Визит барышында, Адел Вафин һәм республика кунаклары дәвалау реабилитациясе бүлегенә, консультатив-диагностик блокка һәм ашыгыч ярдәм бүлегенә килеп киттеләр.
Татарстан Республикасы бюджетыннан социаль-әһәмиятле проектларны гамәлгә ашыручы коммерцияле булмаган оешмаларга (түбәндә КБО) субсидияләр тапшыру буенча конкурс 2017 елның 8 августыннан №565 «Татарстан Республикасы бюджетыннан социаль-әһәмиятле проектларны гамәлгә ашыручы коммерцияле булмаган оешмаларга конкурс нигезендә субсидияләр тапшыру бунча Тәртипне раслау турында» дигән Татарстан Республикасы Министрлар Кабинеты карары белән расланган Тәртипкә туры китереп ике юнәлеш буенча уздырыла.
6 ай нәтиҗәләре буенча халыкның билгеле төркемен өстәмә диспансерлаштыру чикләрендә Түбән Кама иртә стадияләрдә онкологик авыруларны ачыклау буенча беренче урын алды. Диспансерлаштыру чикләрендә иртә стадияләрдә төрле шешләр 130 Түбән Камада торучыда ачылды. Хәзер алар өстәмә тикшерү узалар.
Яр Чаллы шәһ. Ашыгыч медицина ярдәме хастаханәсенең белгечләре Самарадан коллегалары белән эш тәҗрибәсе белән уртаклаштылар. Самарадан белгечләр визитының максаты – күп профильле стационарның уңай эш тәҗрибәсен һәм принципларын өйрәнү, аның техник җиһазландыруы.
Медицинадагы яшь галимнәрнең «RE:Search» дигән II Халыкара конгрессы бүген Иннополис шәһәрендә ачылды. Чарада – Россиядән һәм БДБ илләреннән 250 артык яшь белгеч катнаша. Экспертлар – сәламәтлек саклау өлкәсендәге АКШнан, Бөек Британиядән, Германиядән һәм Россиядән әйдәүче белгечләр.
Бүген Теләче районында «Кан бүләк итеп – үлемнән коткарасың» дигән донор акциясе үтте. Акциядә 70 артык кеше катнашты. Донорлар кан банкын 34 литрга тулыландырдылар. Теләче медиклары донорларга рәхмәт белдерделәр. Хәзерге вакытта хәзерге заман медицинасында авыручыларны үлемнән коткару өчен инновацион технологияләрне, яңа буын препаратларын файдаланалар, ләкин авыручыларны коткару өчен кирәкле кан запасларын, донорлардан алудан тыш, алыштырырга яки тутырырга бер ни дә юк.
Бүгенге көнгә Түбән Кама районы сәламәтлек саклау оешмаларына «Совигрипп» вакцинасы 4050 доза санында килде.Ул 6 айдан башлап 6 елга кадәр балалар һәм йөкле хатыннар өчен билгеләнә. Беренче чиратта балалар мәктәпкәчә оешмаларына баручы балаларга прививка ясый башлаячаклар.
2017 елның 17-18 августында Иннополиста Медицинадагы яшь галимнәрнең «RE:Search» дигән II Халыкара конгрессы узачак. Бу фәнни-белем бирү чарасы. Аның максаты – яшь галимнәрнең фәнни эшчәнлеген стимуллаштыру, сәламәтлек саклавында инновацион продуктларны эшкәртү өлкәсендә тәҗрибә туплау.
Түбән Кама үзәк район күп профильле хастаханәсендә «Дуслык сырхауханәсе – татарстан стандарты» пректын кертү буенча эш дәвам итә. Хәзер медицина оешмасына мөрәҗәгатьнең иң беренче этабында пациентлар белән аралашкан теркәүчеләр-персонал белән эш уздырыла.