15 октябрьдә Бөтендөнья сөт бизенең яман шешенә каршы көрәш көне билгеләп үтелә
Октябрь Бөтендөнья күкрәкнең яман шешенә каршы көрәш ае дип санала, ул 1993 елда Бөтендөнья сәламәтлек саклау оешмасы игълан иткән иде. Моннан тыш, ел саен, 15 октябрьдә, дөньяның 44 илендә Бөтендөнья сөт бизенең яман шешенә каршы көрәш көне үткәрелә.
Татарстан Сәламәтлек саклау министрлыгының Республика клиник онкология диспансерында сөт бизенең яман шеше диагнозы белән һәр пациентны дәвалау тактикасы югары квалификацияле белгечләр: радиотерапевтлар, химиотерапевтлар, ребилитологлар, диагностлар, хирург-маммологлардан торган мультидисциплинар табиб консилиумы белән билгеләнә.
Сөт бизенең яман шеше хатын-кызлар арасында барлык онкология авырулар арасында 1 урынны алып тора. I-II стадияләрдә вакытында диагностикланган яман шешне 90-95% очракта дәвалап була.
Ел саен табиб-маммологка бару яше нинди булуга карамастан, барлык хатын-кызларга тәкъдим ителә. 40 яшьтән өлкәнрәк хатын-кызларга 2 елга 1 тапкыр маммографияне (диспансерлаштыру кысаларында) узарга киңәш ителә.