Татарстан Республикасы Сәламәтлек саклау министры Марат Садыйков метанол белән агуланган пациентлар янына хастаханәгә барды

Татарстан Республикасы Сәламәтлек саклау министры Марат Садыйков бүген метанол белән агуланган пациентларның хәлен белеште. Ул балалар һәм аларның әти-әниләре белән сөйләште. «Сез, чыннан да, "күлмәктә" тугансыз. Вакытында квалификацияле ярдәм күрсәтү аркасында табиблар хәлне тотрыкландыра алды. Тизрәк терелегез!",- дип теләде министр.

Хәзерге вакытта элек реанимациядә яткан 2 кеше Казанның 7нче Шәһәр хастаханәсе бүлегенә күчерелде. Аларның торышы тотрыклы дип бәяләнә. Калган пациентлар да бүлектә дәвалана. Аларның тормышларына берни дә янамый.