«Медицинага минем юлым». Түбән Кама медиклары һөнәрләре һәм үзләре турында булачак хезмәттәшләренә-медкөллият студентларына сөйләде

2021 елның 29 ноябре, дүшәмбе

Түбән Кама медицина көллиятендә «Медицинага минем юлым» дигән исем астында конференция узды. Беренче курс студентлары каршында Түбән Кама дәвалау оешмаларының баш шәфкать туташлары һәм хезмәткәрләре чыгыш ясады. Алар барысы да диярлек Түбән Кама медицина көллиятен тәмамлаучылар, шуңа күрә булачак коллегалар алдында чыгыш ясау икеләтә мактаулы һәм дулкынландыргыч булды.