БРКХ белгечләре Казанда югары нәтиҗәле клиниканы формалаштыру буенча ачылган Халыкара конференциядә катнаша
Бүген Казанда югары нәтиҗәле клиника формалаштыру буенча ел саен уза торган «Дөньякүләм сыйфат стандарты: идеядән тормышка ашыруга кадәр. Пациентлар тәҗрибәсе» дигән конференция ачылды.
БРКХны конференциядә баш табиб Айрат Зыятдинов, оештыру эшләре буенча урынбасары Альмира Мостафаева һәм тышкы үсеш буенча урынбасары Алла Гомәрова тәкъдим итте.
Казан табиблары һәм «Мэйо» Клиникасы белгечләре билгеләнгән тема буенча мөһим мәсьәләләр турында фикер алыша ала. Америка экспертлары шәхси һәм дәүләт медицина оешмаларының җитәкчеләре өчен хезмәт күрсәтү сыйфаты белән идарә итү буенча үз тәҗрибәләре белән уртаклаша.
Фикер алышуга медицина оешмасында мәдәният һәм лидерлык, пациентның сәясәте һәм тәҗрибәсен бәяләү, инфраструктура һәм клиника белән пациент позициясеннән идарә итү кебек темалар чыгарылачак. Шулай ук, традиция буенча, мастер-класслар узачак, анда катнашучылар тәҗрибәле коучлар җитәкчелегендә табиб һәм пациент арасында барлыкка килгән конфликтлы хәлләрне тикшерәчәк һәм эшкәртәчәк.