Авыруны җиңүгә ышаныч
Түбән Кама кызы Ирина Александровна Дмитриева Татарстан Республикасы Сәламәтлек саклау министры адресына рәхмәт хаты язды. Пациент чын күңелдән авыруны җиңәргә булышкан беренче номерлы сырхауханәнең фельдшерына һәм шәфкать туташына рәхмәт белдерә.
«Хөрмәтле Марат Наил Улы!
«Түбән Кама үзәк район күппрофильле хастаханәсе» дәүләт автоном сәламәтлек саклау учреждениесенең 1 нче номерлы сырхауханәнең терапия бүлеге фельдшеры Конюхова Мария Владимировна һәм участок шәфкать туташы Нәҗмиева Миләүшә Мансур кызына чын күңелдән рәхмәт белдерәсем килә.
Конюхова Мария Владимировна үз эшенең чын профессионалы, ул чын-чынлап һәр килгән пациентка ярдәме итә. Безнең вакытта һәр пациентка мондый җылы һәм игътибарлы мөнәсәбәтне бик сирәк очратырга мөмкин. Авыр хәлдә дә, Мария Владимировна һәм Миләүшә Мансуровна пациентка авыруны җиңәргә өмет бирүче сүзләр таба.
Агымдагы елның февралендә мин яшәү урыны буенча участок фельдшерына минем булган хроник авыру белән бәйле рәвештә вакциналаштыру мөмкинлеге турында консультация сорап мөрәҗәгать иттем. Әмма, кан анализы нәтиҗәләре ниндидер ялкынсыну булуын күрсәтә. Мария Владимировна минем үземне начар хис итү сәбәбен үҗәтлек белән эзләвен дәвам итте. Мария Владимировна һәм Миләүшә Мансуровна кебек компетентлы, талантлы, чын-чынлап үз эшләренә гашыйк белгечләрнең нәкъ менә алар кирәк булган җирдә эшләве - зур бәхет.
Хөрмәт һәм рәхмәт белән, Дмитриева Ирина Александровна».
Берничә предприятие хезмәткәрләре исеменнән рәхмәт сүзләре шулай ук Азнакай үзәк район хастаханәсе медикларына да җиткерелде.