Авыл амбулаториясе табибы «Земский доктор» программасы буенча миллион сум акча алды

Алабуга районының участок терапевты «Земский доктор» программасы буенча бер миллион сум акча алды. Ул сәламәтлек саклау белгечләренә ярдәм итү өчен билгеләнгән һәм авыл җирлегенә күчеп килгән табибларга бер тапкыр бирелә торган түләүләрне күз алдында тота. 2018 елда Әлмәт кызы «табиб эше» белгечлеге буенча Казан дәүләт медицина университетын тәмамлаган һәм авылга эшкә урнашырга булган, бу елның маеннан Алабуга хастаханәсенең Танай табиблык амбулаториясендә эшли.

Медикларга ярдәм итү программасы «Сәламәтлек саклау системасының медицина оешмаларын квалификацияле кадрлар белән тәэмин итү» милли проектының бер өлеше булып тора.