Һөнәрдә 50 ел
Розалия Рафаэловна Гобәйдуллина безнең хастаханәнең иң тәҗрибәле, үз һөнәренә гашыйк табибларның берсе. Ул үзенең ярты гасырлык һөнәри эшчәнлеге юбилеен матур кәеф белән каршы ала. Ул әле дә Алабуга халкының кече буынын дәвалый һәм карый.
Бу көннәрдә Розалия Рафаэловна баш табиб Рамил Сәфәров һәм Алабуга РҮХ коллективы җылы котлауларын кабул итә.
Розалия Рафаэловна сүзләренә караганда, аңа балалар белән эшләү ошый. Розалия Рафаэловна үзе күп балалы гаиләдән, һәм, мөгаен, балалар белән эшләү иртә балачагында ук барлыкка килгәндер. «Мин терапевт, педиатр, хәтта хирург булып эшләдем. Әмма нәкъ менә офтальмология өлкәсе мине "эләктерде"», - дип хатирәләре белән уртаклаша ул.
Розалия Рафаэловна хезмәт эшчәнлеген 1971 елда фельдшер вазыйфасында башлый. 1973 елда Лаеш район хастаханәсендә табиб-эпидемиолог булып эшли. 1974 елда Кокшан участок хастаханәсенә баш табиб итеп күчерелә.
Розалия Рафаэловна Алабуга РҮХнең балалар сырхауханәсенең табиб-офтальмологы булып 1978 елдан бирле эшли. Бу вакыт эчендә ул меңләгән балага ярдәм итте. Шәһәрнең үсеп килүче буынының сәламәтлеген саклауга һәм ныгытуга лаеклы өлеш кертеп, аның инициативасы һәм турыдан-туры катнашында күз авырулары булган балаларны дәвалау хезмәте (косоглазия һәм амблиопия) төзелде.
Күпьеллык хезмәте өчен Розалия Рафаэловна ТР сәламәтлек саклау министрлыгының Мактау грамоталарына, Алабуга РҮХ Мактау грамоталарына, Алабуга муниципаль районы башлыгының Мактау грамотасына, ТР Министрлар Кабинеты Рәхмәтенә ия. «РФ Сәламәтлек саклау отличнигы» күкрәк билгесе белән бүләкләнгән.