Түбән Каманың күп профильле хастаханәсенә берьюлы өч яшь табиб эшкә килде

Февраль башында Түбән Кама үзәк район күппрофильле хастаханәнең тату коллективы яшь кадрларга тулыланды.

Кенешбеков Азат Кенешбек улы, 1нче анестезия-реанимация бүлеге табибы анестезиолог-реаниматолог. Белгеч кыргыз дәүләт медицина академиясен тәмамлаган. Түбән Камага аны күптән түгел генә шушы шәһәргә эшкә килгән якташлары чакырган иде. Азат Кенешбековичка шунда ук арендалы торак бирделәр. 1нче номерлы анестезиология-реанимация бүлеге коллективы бик җылы кабул итте. Азат Кенешбек улы шунда ук практикага кереште. Табиб карьера үсеше турында хыяллана. Аспирантурага укырга керергә һәм кандидатлык диссертациясен якларга ниятли.

Хәсәнов Охунжон Бердикул улы, консультатив-диагностика поликлиниканың травматология пунктының травматолог-ортопеды. Таҗик дәүләт медицина университетын тәмамлаган. Якташ дуслары яшь белгечкә Түбән Камага эшкә килергә тәкъдим иттеләр. Охунжон Бердикуловичка шунда ук арендалы торак бирделәр. Уңайлы ике бүлмәле фатирга ул хатыны һәм баласы белән күченә. Коммуналь хезмәтләрне генә түләргә кирәк.  ТКҮРКПХдә аны шатланып каршы алды. Хәзер табиб пациентларны кабул итә, төнге дежурлыкларга чыга һәм профессиональ рәвештә үсәргә хыяллана.

Хәмитов Сабир Алмаз улы, 1 нче поликлиниканың табиб терапевты. Чуаш дәүләт университетын тәмамлаган. Түбән Камада туып-үскән, туган шәһәренә эшкә кайта. Яшь белгеч әйтүенчә, поликлиникада эшләү-профессиональ карьерада менә дигән старт.  Сабир Алмазович фикеренчә, яхшы табиб логик фикерләү, сабырлык һәм бик яхшы хәтергә ия булырга тиеш.

Исегезгә төшерәбез, Татарстан Республикасында «Сәламәтлек саклау» милли проекты кысаларында «Сәламәтлек саклау системасының медицина оешмаларын квалификацияле кадрлар белән тәэмин итү»төбәк проекты гамәлгә ашырыла.