Яшел Үзәндә балалар сырхауханәсендә медицина хезмәткәрләре һәм пациентлар өчен уңайлы шартлар тудырылган

2022 елның 23 марты, чәршәмбе

«Яшел Үзән үзәк район хастаханәсе» ДАССУ 1нче номерлы балалар сырхауханәсендә ике айдан артык кабул итү бара. Яңа өч катлы бина «Сәламәтлек саклау» илкүләм проектының сәламәтлек саклауның беренчел звеносын модернизацияләү программасы кысаларында төзелгән. Беренчел медицина ярдәмен шәһәр һәм районнан 12 меңгә якын яшь пациент ала. Медучреждение барлык кирәкле медицина җиһазлары белән җиһазландырылган, сменага 200 кешегә исәпләнгән.