2021 елда Республика офтальмология хастаханәсе сырхауханәсенә 93 меңнән артык пациент мөрәҗәгать итте
Профессор Е.В. Адамюк исемендәге Республика клиник офтальмология хастаханәсендә Хастаханә советының киңәйтелгән утырышы булды.
Аның эшендә клиниканың хезмәткәрләре һәм чакырылган кунаклар: ТР сәламәтлек саклау министрының беренче урынбасары Альмир Абашев, ТР буенча Сәламәтлек саклау өлкәсендә күзәтчелек буенча федераль хезмәтнең территориаль органы җитәкчесе Любовь Шәйхетдинова, кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсенең дәвалау-профилактика учреждениеләренә күзәтчелек бүлеге башлыгы Анна Геннадьевна Алешина һәм иминләштерүче медицина оешмалары вәкилләре катнашты.
Утырышта баш табиб Динә Хөсәенованың 2021 елда Республика клиник офтальмология хастаханәсенең эш йомгаклары һәм 2022 елга төп бурычлар турында доклады тыңланды.
Профессор Адамюк исемендәге Республика клиник офтальмология хастаханәсе 2022 елда клиника республика халкының күзләрен саклау эшенең 100 еллыгын билгеләп үтәчәк.
Республика клиник офтальмология хастаханәсе махсуслаштырылган, шул исәптән югары технологияле, офтальмологик медицина ярдәме күрсәтә.
ММИ буенча консультатив сырхауханәгә мөрәҗәгать иткән авыруларның гомуми саны 2021 елда 93 175 кеше тәшкил иткән.
2021 елда медицина тикшеренүләре саны 57 192 тәшкил иткән һәм 2020 ел белән чагыштырганда 41% ка арткан.
Халыкка кичектергесез медицина ярдәме кабул итү бүлегенең 3 кабинетында күрсәтелә, аларның эше тәүлек әйләнәсе оештырылган.
2021 елда кичектергесез офтальмологик ярдәм сорап 38 225 пациент мөрәҗәгать иткән, бу 2020 ел күрсәткечләреннән 16% ка артык.
Махсуслаштырылган, шул исәптән халыкка югары технологияле медицина ярдәме 122 койкага исәпләнгән ике микрохирургия бүлеге тарафыннан күрсәтелә. Дәваланган пациентларның гомуми саны 20 меңнән артык пациентны тәшкил иткән. 2021 елда көндезге стационар шартларында дәваланучы пациентлар саны күрү органы авыруларын хирургик дәвалауның заманча аз инвазив методикаларын куллану хисабына 42% ка арткан.
2020 елдан башлап динамикада тәүлек буе һәм көндезге стационар шартларында үткәрелгән операцияләрнең саны 24% ка арткан һәм 2021 елда 19 908 оператив тыкшыну тәшкил иткән.
Үткәрелгән оештыру эше нәтиҗәсендә 2021 елда катарактаны факоэмульсификацияләү, лазерлы дәвалау, кече хирургия операцияләре буенча ТР гражданнарына махсуслаштырылган медицина ярдәме күрсәтүгә чират бетерелгән.
2022 елда РКОХ үзенең динамик үсешен дәвам итәргә планлаштыра.
Төп докладчылар чыгышыннан соң ТР сәламәтлек саклау министрының беренче урынбасары Альмир Абашев оешманың эшчәнлегенә уңай бәя бирде һәм клиника коллективына җайга салынган эш өчен рәхмәт белдерде.
Чара ахырында хастаханәнең иң яхшы хезмәткәрләрен Рәхмәт хатлары һәм Мактау грамоталары белән бүләкләделәр.