Яшел Үзән район үзәк хастаханәдә 2021 ел нәтиҗәләре буенча медицина советы узды
Яшел Үзән район үзәк хастаханәсендә медицина советы узды. 2021 елда Яшел Үзән районының сәламәтлек саклау эшчәнлегенең йомгаклары һәм 2022 елга бурычлар турында Яшел Үзән РҮХнең баш табибы вазыйфаларын башкаручы Эльмир Гатин сөйләде.
Барыннан да элек, ул CVID-19 пандемиясе шартларында РҮХ хезмәткәрләренә йөкләнешнең шактый артуын билгеләп үтте. 2021 ел эчендә вакытлыча йогышлы госпитальдә 2000дән артык пациент дәваланды. Сырхауханәләргә, амбулаторияләргә, ФАПларга 7000нән артык кеше мөрәҗәгать итте, аларга коронавирус диагнозын куелды.
«Яшел Үзән РҮХ» ДАССОның баш табибы вазифаларын башкаручы Эльмир Гатин үз урынбасарларына демографик хәлне яхшыртуга һәм халыкның үлем-китем санын киметүгә юнәлдерелгән чараларны үткәрүне контрольгә алырга кушты.
Үлүчеләр саны структурасында Яшел Үзән районы буенча элеккечә үк кан әйләнеше системасы авырулары алда бара - 38%. Бу күрсәткеч 2020 ел белән чагыштырганда 11% ка кимегән. Икенче урында - яңа короновирус йогышы-19%.
Яшел Үзәндә «Сәламәтлек саклау» һәм «Демография» илкүләм проектлары кысаларында «Татарстан Республикасы сәламәтлек саклавын үстерү» республика программасының җиде проектының алтысы гамәлгә ашырыла.
«Беренчел медик-санитар ярдәм күрсәтү системасын үстерү» программасы буенча 2021 елда Ильинский авылында модульле ФАП төзелде.
Сәламәтлек саклауның беренчел звеносын модернизацияләү программасы буенча «Сәламәтлек саклау» илкүләм проектының 2021 елда Кызыл Яр авылында ФАП төзелде, Карамалы Тау табиблык амбулаториясенең яңа корпусын төзү тәмамланды.
Яшел Үзән РҮХ сырхауханәсенә 20 медицина хезмәте автомобиле тапшырылды.
Яшел Үзән РҮХ кадрлар кытлыгы кичерә.
Элеккечә үк терапевтлар, педиатрлар, неврологлар, неонатологлар, анестезиолог-реаниматологлар һәм башка белгечләрнең вакантлы вазифалары бар.
Кадрлар кытлыгын бетерү өчен Казан медицина университетында программалар буенча белгечләрне максатчан контракт нигезендә әзерләү үткәрелә:
Баш табиб Яшел Үзән районы администрациясе белән бергә торак яки башка социаль ярдәм чаралары биреп, яңа медицина кадрларын җәлеп итүгә өметен белдерде.
"Яшел Үзән РҮХ" ДАССУ