Әлмәт кардиохирурглары йөрәкнең бер артериясен томалануы белән пациентны коткарды
"Татнефть" ААҖ һәм Әлмәт шәһәре медсанчасте хирурглары 83 яшьлек пациентка уңышлы операция уздырды. Ул кардиохирургия бүлегенә Азнакай районыннан килә. Пациент тын кысылу, тән сызлавы, корсак, кул, аяк, муен көзән җыеру һәм аңны югалту белән җәфа чигә иле. Госпитализацияләүгә кадәр ул ярты ел дәвамында шундый алты өянәк кичергән иде.
Үткәрелгән коронарография йөрәкнең иң эре артерияләренең берсе томалануын күрсәтте һәм клапан һәм коронар кан тамыры авырулары буенча йөрәккә ашыгыч операциянең кирәклеге аңлашылды.
Табибларга ясалма кан әйләнеше шартларында аорталь клапанны һәм маммарокоронар шунтлау үткәрергә кирәк иде.
Операцияне йөрәк-кан тамырлары хирурглары Нур Сибәгатуллин, Нияз Фәсхетдинов, Илдус Ягъфәров, операция шәфкать туташы Динә Матвеева, анестезиолог Альберт Кәримов уздырдылар. Ясалма кан әйләнешен Булат Зарипов һәм Галина Касыймова тәэмин иттеләр.