Салихов укуларында ревматизм авыруларны диагностикалауның көнүзәк мәсьәләләре һәм дәвалауның инновацион алымнары турында фикер алышачаклар
22 апрельдә ел саен үткәрелә торган «Салихов укулары» республика фәнни-гамәли конференциясе узачак. РФА академигы Е.Л. Насонов белән берлектә 2006 елда беренче тапкыр И.Г. Салихов оештырган традицион Идел буе ревматологлар конференциясе 2012 елда «Салих укулары» исемен ала.
Конференция Н.Ершов ур., 1А адресы буенча, «Корстон» сәүдә-күңел ачу комплексы, Чайковский залында узачак һәм туры эфирда https://rheumatolog.ru и https://rheumatolog кacademy мәйданчыкларда трансляцияләнәчәк, алга таба трансляция Россия ревматологлары ассоциациясе сайтында урнаштырылачак.
Белешмә: Танылган Россия терапевты һәм ревматологы, РФ һәм Татарстан Республикасының атказанган табибы, профессор Илдар Газимҗан улы Салихов (1941-2011 еллар) - Татарстан Республикасының терапия хезмәтен һәм аерым алганда Казан терапия мәктәбен үстерүгә зур өлеш керткән галим, клинист һәм гаҗәеп оештыручы.
Профессор Салихов республикада заманча ревматология хезмәтен оештыра. Нәкъ менә И.Г. Салихов инициативасы белән Казанда 1994 елда беренче шәһәр Ревматология үзәге - Идел буенда беренче махсуслаштырылган ревматология хезмәте оештырыла. 2000 елда И. Г. Салиховка фән һәм техника өлкәсендә Татарстан Республикасы Дәүләт премиясе бирелә.