Мамадыш сырхауханәсендә сәламәтлек саклауның беренчел звеносын модернизацияләү программасы буенча капиталь ремонт эшләре бара
Мамадыш РҮХ сырхауханәсендә капиталь ремонт башланды. Эшләр «Сәламәтлек саклау» милли проектына кертелгән сәламәтлек саклауның беренчел звеносын модернизацияләү программасы буенча алып барыла.
Бүгенге көндә гомуми практика табиблары бүлегендә демонтаж эшләре тәмамланган. Идән түшәмнәрен (керамогранит плитка) җәю буенча эшләр башкарылды, канализация һәм су белән тәэмин итүнең эчке челтәрләре алыштырылды, электр белән тәэмин итү челтәрләрен һәм аз агынты челтәрләрен алыштыру буенча эшләр башкарыла.
Моннан тыш, быел учреждение медицина җиһазлары, шул исәптән компьютер томографиясе белән дә җиһазландырылырга тиеш. Шуңа күрә бинаны капиталь ремонтлау буенча эшләр алып барыла.
«Татарстан Республикасында сәламәтлек саклауның беренчел звеносын модернизацияләү» программасы ярдәмендә бөтен регион буенча медицина учреждениеләрен масштаблы реконструкцияләү бара. Быел гына да (федераль бюджеттан финанслау белән) 14 поликлиника һәм 1 табиб амбулаториясе капиталь ремонтланачак.