Рөстәм Миңнеханов Россия Федерациясе һәм Татарстан Республикасы дәүләт бүләкләрен тапшырды

2022 елның 27 апреле, чәршәмбе

Бүген Татарстан Республикасы Президенты Рөстәм Миңнеханов Яз һәм Хезмәт бәйрәме һәм Җиңү көне уңаеннан алдынгы татарстанлыларга Россия Федерациясе һәм Татарстан Республикасы дәүләт бүләкләрен тапшырды. Бүләкләү тантанасы Казан Кремлендә узды.

Рөстәм Миңнеханов искә төшергәнчә, дәүләт бәйрәмнәре алдыннан Россия Федерациясе һәм Татарстан Республикасының атказанган бүләкләрен тапшыру күркәм гадәткә әверелде.

«Бүген залда җыелган барлык хезмәт кешеләренә рәхмәтемне белдерәм. Яз һәм Хезмәт бәйрәме алдыннан безнең күп кенә бүләкләнүчеләребез очраклы гына түгел, алар тармак мактаулы исемнәрен алалар. Сүз дә юк, безнең тормышыбызны завод кешеләре, нефтьчеләр, авыл хуҗалыгы хезмәткәрләре, төзүчеләр, инженерлар, табиблар һәм укытучылардан башка күз алдына да китереп булмый. Сезнең уңышка ирешү тарихларыгыз барлык татарстанлылар өчен, бигрәк тә безнең яшьләр өчен мөһим», - диде Рөстәм Миңнеханов.

Барлыгы 48 татарстанлыга Россия Федерациясе һәм Татарстан Республикасы дәүләт бүләкләре тапшырылды. Бу исемлектә медицина хезмәткәрләре дә булды.

«Проф. А.Г.Ге исем. ТР ССМ Республика клиник тире-венерология диспансеры» ДАССУ баш табибы Искәндәр Кагап улы Миңнуллин Фидакарь хезмәте өченТатарстан Республикасының медале белән бүләкләнде.

«Татарстан Республикасының Атказанган табибы» исеменә Казан шәһәренең «7нче Шәһәр клиник хастаханәсе» ДАССУ баш табибы Артур Маркосович Делян лаек булды.

«Татарстан Республикасының Атказанган сәламәтлек саклау хезмәткәре» исеменә Кама Тамагы РҮХ Кече Салтык ФАП фельдшеры Роза Ивановна Володягинага бирелде.

Чара фотога төшү белән тәмамланды.