Теләче районы Алан авылында яңа ФАП ачылуга әзерләнә

2022 елның 13 мае, җомга

Теләче үзәк район хастаханәсенең Алан ФАПы төзелеп бетте. Модульле бина «Сәламәтлек саклау» илкүләм проектының сәламәтлек саклауның беренчел звеносын модернизацияләү программасы акчасына төзелгән. Объектның бәясе 6 млн. 766 мең сум дип бәяләнә.

Бүгенге көндә якын-тирә территорияне төзекләндерү эшләре бара, рөхсәт документлары көтелә. Биналарның эчке отделкасы төгәлләнде, электр, җылылык, канализация үткәрелде. Яңа медпунктка пациентларны кабул итү өчен кирәкле медицина әйберләре, җиһазлар кайтарылды. Фельдшер-акушерлык пункты Алан һәм Ключище авылларына хезмәт күрсәтә. Аларда 450 гә якын кеше яши.