Әтиләргә балалар тәрбияләү турында. Түбән Камада тематик семинарлар марафонының йомгаклау очрашуы узды

2022 елның 23 мае, дүшәмбе

Түбән Каманың 29нчы мәктәбе базасында бу сезонда әтиләр өчен йомгаклау семинары узды. Быел семинарлар шәһәрнең сигез уку йортында үткәрелде һәм укучыларның ата-аналарында зур кызыксыну уятты. Белгечләр балаларны тәрбияләү өлкәсендә иң мөһим мәсьәләләрне күтәрергә, гаиләләргә психологик - педагогик һәм медик-социаль ярдәм күрсәтергә тырышты.
Әтиләр өчен семинарлар марафоны «Яшьләр клиникасы» медицина-социаль ярдәм күрсәтү бүлеге һәм ТР Түбән Кама районы мәгариф идарәсе белгечләре тарафыннан оештырылды.