Балтач районының Борнак авылында модульле ФАП төзелә

2022 елның 23 июне, пәнҗешәмбе

Балтач РҮХнең Борнак фельдшер-акушерлык пункты «Сәламәтлек саклау» милли проектының сәламәтлек саклауның беренчел звеносын модернизацияләү программасы буенча төзелә.

Бүгенге көндә бинаның каркасы, стеналары төзелде, пластик тәрәзәләр куелды, керү ишеге урнаштырылды, барлык кирәкле коммуникацияләр кертелде: су белән тәэмин итү, су чыгару, электр. Төзелеш бригадасы бинаның эчке бизәкләү эшләренә, түшәмне монтажлауга кереште. ФАП Борнак авылының 461 кешесенә хезмәт күрсәтә.