"Донорлык культурасы" Бөтенроссия акциясе кысаларында җәйге донор акциясе узды

2022 елның 10 августы, чәршәмбе

ТР ССМ Республика кан үзәгендә «Игелекле Казан» АКБО белән бергә DonorSearch.org кан донорлары берләшмәсе ярдәме белән "Донорлык культурасы" Бөтенроссия акциясе кысаларында җәйге донор акциясе узды.

Хәйрия чарасы дәвамында кәеф өчен төрле заман музыкасы, шул исәптән киномузыка яңгырады. Һәр донор өчен истәлекле сувенирлар әзерләнгән иде, ә беренче тапкыр кан тапшыручылар донорлар сафына керү турында таныклык алдылар. Акциягә сәнгать эшлеклеләре дә кушылды. Чарада барлыгы 129 кеше катнашты, кан банкы 58 л га тулыланды.

Донорларга һәм донор акциясен оештыручыларга рәхмәт белдерәбез!