Йөрәк-кан тамырлары авырулары вакытында физик активлык
Аэроб физик активлык белән даими шөгыльләнү атнасына 150 минуттан да ким булмаса, йөрәкнең ишемия авыруы, инсульт, артериаль гипертония, шикәр диабеты һәм вакытыннан алда үлем куркынычын киметә.
Йөрәк-кан тамырлары авырулары булган кешеләр өчен дөрес сайланган физик йөкләнмәләрне дозировкалау шарты белән физик активлык шулай ук файдалы. Аэроб физик активлык белән шөгыльләнә башлауга киңәшләр китерәбез.
1) Күнегүләр башланыр алдыннан, йөрәк кыскаруларының максималь ешлыгын һәм куркынычсыз тренировкалар пульсы (тредмил-тест яки велоэргометрия) билгеләү өчен, физик йөкләнеш белән проба үткәрергә киңәш ителә.
2) Әгәр йөкләнеш тестын үткәрү мөмкин түгел икән, ул чакта йөрәк кыскартылмаларының максималь ешлыгын «220 минус яшь» формуласы буенча исәпләп була. Кардиологик пациентлар өчен пульсның максатчан зонасы йөрәк кыскартылмаларының максималь ешлыгыннан 50-75% тәшкил итә.
3) Физик активлыкның оптималь төрләре булып зарядка, йөрү, скандинавия йөреше, йөзү, аэробика санала.
4) Дәвалау физкультурасы табибы яки табиб-реабилитолог сәламәтлек күрсәткечләрен исәпкә алып, күнегүләрнең индивидуаль программасын эшләргә ярдәм итә ала.
5) Физик йөкләнешкә кадәр һәм аннан соң, һичшиксез, кан басымын һәм пульсны үлчәтегез. Тренировкалар вакытында пульсометрларны (фитнес-беләзекләр) кулланырга мөмкин.
6)Теләсә кайсы тренировканы кызулатып башламагыз һәм кинәт туктамагыз. Бу кан басымының һәм пульсның кискен үзгәрешләренә китермиячәк.