Ярты ел элек «Спутник V» прививканы ясаган кешеләргә яңадан прививка ясарга кирәкме?

2022 елның 23 августы, сишәмбе

Covid-19 очраклары арту чорында ярты ел саен ревакцинацияләнергә кирәк. Статистика нигезендә, Мамадыш районында алты айдан артык элек «Спутник» ның ике дозасын алучылар да җитәрлек. Шуны да билгеләп үтәргә кирәк, узган атнада Мамадыш районында яңа коронавирус инфекциясен йоктыруның 17 очрагы ачыкланган.

Табиб-эпидемиолог Галиев Айрат Дамир улы белән сөйләштек һәм вакцинация турында популяр сорауларга җаваплар белдек.

- Айрат Дамирович, «Спутник V» белән прививкадан соң ярты ел узгач, ревакцинация кирәкме?

- Сәламәтлек саклау министрлыгы күрсәтмәләре буенча, алты айдан соң кабат прививка ясарга кирәклеге турында рәсми мәгълүмат булды. Әйтергә кирәк, антитәнчекләр дәрәҗәсе кими, бу авыру барышын авыррак узуына сәбәпче була ала.