Казанда сәламәт яшәү рәвеше культурасын формалаштыру, актив озын гомер һәм күп балалы гаиләләрнең актуаль сораулары буенча фикер алыштылар

2022 елның 26 августы, җомга

Казанда узган «Сообщество» форумында  сәламәт яшәү рәвеше культурасын формалаштыру чаралары, балалары һәм булачак әниләр алдында торган проблемаларны бетерү ысуллары турында фикер алыштылар.

25 августта Казанда РФ Иҗтимагый палатасының «Сообщество» форумының икенче көне узды. Халык сәламәтлеген ныгыту, туучылар санын арттыру һәм гомер озынлыгын арттыруга юнәлдерелгән сессияләр бу көннең төп вакыйгаларының берсе булды.