Сәламәтлек саклау ветеранына 100 яшь тулды

2022 елның 6 сентябре, сишәмбе

4 сентябрьдә Баулы үзәк район хастаханәсенең элеккеге хезмәткәре, тыл хезмәтчәне, хезмәт ветераны Симонова Анна Ивановна үзенең 100 еллык юбилеен каршылады.

Бу истәлекле вакыйга белән Анна Ивановнаны Баулы районы башлыгы Ильяс Гузаировны, Баулы үзәк район хастаханәсе баш табибы Глеб Алексеев котлады. Аңа сәламәтлек, озын гомер теләделәр, шулай ук РФ Президентының котлау хатын, чәчәкләр бәйләме һәм бүләкләр тапшырдылар.

Анна Ивановна хезмәт юлын 1953 елда хастаханәдә башлый, акушерлык бүлегендә эшли. Тормыш иптәше белән 40 елдан артык бергә яшәп, ике бала тәрбияләп үстерделәр. Анна Ивановнаның 6 оныгы һәм 7 оныкчыгы бар.