ТР Сәламәтлек саклау министрлыгында ташламалы дарулар белән тәэмин итү мөмкинлекләре турында фикер алыштылар

2022 елның 8 сентябре, пәнҗешәмбе

Бүген ТР сәламәтлек саклау министрлыгында социаль пакетларга багышланган түгәрәк өстәл узды.

Федераль бюджет хисабына кирәкле дарулар белән тәэмин итү программасы ташламалар бирү буенча 122-ФЗ номерлы Федераль закон нигезендә 2005 елдан гамәлгә ашырыла.

Шунысын да билгеләп үтәргә кирәк, федераль ташламаларга ия булучылар һәм сугыш инвалидлары, барлык төркем инвалидлары, инвалид балалар, блокадачылар һәм башкалар керә.

Әлеге программаны гамәлгә ашыруда Татарстан Республикасы Сәламәтлек саклау учреждениеләренең 256 структур бүлекчәсе җәлеп ителгән.